“Bu sənətdə səsi və müğənnilikdən xəbəri olmayanlar var. Bunların hamısının günahı aparıcılarda, efirlərdə və kanal yiyələrindədir”.
Bizim.Media xəbər verir ki, bu sözləri müğənni Mətanət Əsədova “Space star” maqazin verilişinə müsahibəsində deyib.
Sənətçi bayağı ifaçıların və onların oxuduğu bayağı mahnıların populyarlaşmasında günahı efirlərdə görüb:
“Bayağı ifaçılar sosial şəbəkədə hesab açıb orada oxusunlar, onların səsləri efirlik deyil. Bayağı müğənnilərin işlərinə qarışmıram. Qarışmaq da istəmirəm. Mən özümə cavabdehəm. Bu sənətin yiyələri, sütunları var. Əgər onlar bu cür ifaçılara göz yumurlarsa, mənim bu haqda danışmağım artıqdır”.
Rəşad Əliyev, Bizim.Media
