Bir neçə gün əvvəl qəfil səhhəti pisləşdiyi üçün xəstəxananın reanimasiya şöbəsinə yerləşdirilən meyxanaçı Xəyyam Əhmədli sağlamlığı ilə bağlı açıqlama verib.
Bizim.Media xəbər verir ki, söz xiridarı “Elgizlə izlə” ictimai-sosial verilişə müsahibəsində bildirib ki, səhhəti ilə əlaqədar 24 gündür ki, xəstəxanadadır.
“Heç özüm də bilmirəm, nələr baş verdi. Uzun zaman əvvəl ürəyimə su yığılmışdı. Buna görə o zaman əməliyyat olunmalı idim, amma olmadım. Birdən-birə gözüm qaraldı, huşum getdi. 24 gündür ki, xəstəxanadayam, həkimlərin nəzarətindəyəm. Əsas odur ki, o çətin günlər geridə qaldı”, - deyə Xəyyam vurğulayıb.
Qeyd edək ki, meyxanaçı Xəyyam bir neçə gün əvvəl ürək şikayətləri ilə təcili xəstəxanaya yerləşdirilib və vəziyyəti ağırdır. O, 2018-ci ildə ürəyindən "anju" olunmuşdu.
Rəşad Əliyev, Bizim.Media
