Abbas: “İşə gedəndə oğlumu da özümlə aparmaq istəyirəm” - VİDEO 

“Bütün dünyada tüğyan edən koronavirus pandemiyası böyük bir faciə idi. Amma bu pandemiya mənə fürsət verdi ki, uşaqlarıma daha çox zaman ayırım”.   

Bizim.Media xəbər verir ki, bu sözləri Əməkdar artist Abbas Bağırov qonaq olduğu “Günaydın, Azərbaycan!” səhər şousunda deyib.   

Sənətçi bildirib ki, koronavirus pandemiyası onu ailəsinə xüsusilə övladlarına çox bağlayıb:

“Mən bu günə kimi övladlarım olmadan qala bilmirəm. Az qala işə gedəndə (toyları və el şənliklərini nəzərdə tutur –red.) onları özümlə aparım. Oğlum deyir ki, “ata, biraz böyüyəndən sonra mən də səninlə birlikdə işinə gedəcəyəm” (gülür)”.   

Qeyd edək ki, A.Bağırovun ikinci nikahdan Murad və Raul adlı oğulları dünyaya gəlib. Sənətçinin ilk evliliyindən isə bir qız övladı var.