Tanınmış jurnalist Türkan Məmmədli intihar edən həyat yoldaşı, iş adamı Orxan Məmmədli ilə bağlı paylaşım edib.
Bizim.Media xəbər verir ki, Türkan Orxanın görüntülərini sosial şəbəkə hesabında yayımlayaraq, onunla ölümündən əvvəl iki saat danışdığını yazıb.
“İndi hər kəs bir söz danışır. Amma kimsə nələr yaşadığımızı bilmir… Ölümündən iki saat öncə danışdıq. Kaş bilərdim …. Mənim üçün o qədər çətindir. Xahiş edirəm, daha çox ahımızı almayın”.
Xatırladaq ki, O.Məmmədli oktyabrın 17-si gecə saatlarında çalışdığı ofisdə özünü asıb. Orxan intiharı küllü miqdarda borcun olması ilə əlaqələndirərək, bununla bağlı məktub yazıb.
Qeyd edək, mərhum Orxan Məmmədli Su İstehlakçıları Birliyinin sədri Dövlətxan Məmmədovun oğludur. Mərhumun iki azyaşlı övladı var.
Rəşad Əliyev, Bizim.Media
