Prodüser Tarix Əliyev (Tolik) müğənnilərin dövlətdən ev istəməsini sərt şəkildə tənqid edib.
Bizim.Media xəbər verir ki, bu haqda isə Tolik aparıcısı olduğu "Tarixin bir günü" verilişində söz açıb.
O bildirib ki, müğənnillər toya gedərək, əldə etdikləri qanorara ipoteka ilə ev ala bilərlər:
"Dövlət müğənniyə ev verməkdənsə, elə onu bir kasıba verər də... Müğənni gedib toyda oxuyub 2000-3000 manat alır. Dövlət sənə niyə ev verməlidir ki? Get, ipoteka ilə ev al, yaşa. Şəhidlərimizin nəşinin hansı evlərdən çıxdığını hamımız görmüşük.
Bütün günü bəzən-düzən toya get sonra da çıx de ki, “mənim bir evim var, orada da geyimlərimi saxlayıram. İndi də dövlətdən ev istəyirəm”. Sən axı bu dövlət üçün nə etmisən? Söz də deyəndə, dərhal cavab verirlər ki, “əsgərlərə konsert vermişəm”. Sənin borcundur gedib əsgərlər önündə çıxış edib, konsert vermək".
Rəşad Əliyev, Bizim.Media
