Üç gün yəni sentyabırın 1,2 və 3-də peşəkar musiqiçilərin və rəqqasların müşayiəti ilə Konqres Mərkəzdə canlı solo konsert proqramı ilə çıxış edən Xalq artisti Röya Ayxanın səhnə perfomansı sosial mediada müzakirə predmetinə çevrilib.
Bizim.Media xəbər verir ki, musiqili gecənin bədii rejissoru Ranar Musayev sosial şəbəkə hesabında konsert ətrafında gəzib-dolaşan bir neçə məqamlara aydınlıq gətirib.
Ranarın sözlərinə görə, Röya səhnəyə “Terminator” kimi çıxıb. Bu görüntünü əldə etmək üçün isə heyət mərkəzin divarını sökmək məcburiyyətində qalıb.
Şounun marağını artırmaq üçün xaricdən gətirilən “Kuka” adlı robot heyətə və estrada ulduzuna kifayət qədər çətinlik və problem yaradıb.
Belə ki, Röya robotun üzərində duraraq iki mahnı ifa etməli imiş. Lakin robotun beyni sıradan çıxdığı üçün müğənni daha iki mahnını texnikanın üstündə səsləndirməli olub. Növbəti iki gündə ssenarini dəyişib, elə də saxlayıblar.
Növbəti diqqət çəkən səhnə isə rəqqasın royal maketin üzərinə tullanması olub. Bunun üçün isə dörd ayrı-ayrılıqda hazırlanan royal olub. Həmin musiqi alətinin dekorunun biri məşqdə, qalan üçü isə konsertdə istifadə olunub. Ranar xüsusi ilə olaraq bildirib ki, royalın dünya ulduzu Cennifer Lopezlə heç bir adiyyatı yoxdur.
Konsertdə uğursuz anlar da yaşanıb. Belə ki, tamaşaçıların musiqili gecəsinin ilk günündə Röyanın üstünə qaçaraq hücüm etməsi günlərdir əziyyətlə hazırlanan daha bir önəmli səhnə dekorunun sıradan çıxmasına səbəb olub. Söhbət isə səhnədə başlayıb, zalın sonunda bitən, 100 metrlik, işıqlı libasdan gedir. Həmin libas yararsız vəziyyətə düşdüyündən konsertin növbəti iki günündə istifadə olunmayıb.
Repertuarında hit olan “Evlisən” bəstəsini tamaşaçılara daha canlı şəkildə çatdırılması üçün maraqlı səhnə düzənlənib.
Belə ki, fırlanan dairəvi masa ətrafında Röya bir bəylə üzbəüz oturaraq əllərində tutduqları qədəhləri bir-birinə vurublar. Həmin bəyin öncədən aparıcı Şəhriyar Əbilovun olacağı düşünülsə də, daha sonra onu rəqqas əvəz etməli olub. Səbəb isə, Şəhriyarın artıq evli olmaması, o azad baxışlarının rola manə olması olub. Bir digər səbəb Əbilovun Röya ilə dost olması və bu səhnəni canlandıran zamanı müğənnini gülmək tutması olardı.
Diqqət çəkən daha bir səhnə motosikletlin iştirakı ilə olub. İdeyaya görə, Röyanın ifası zamanı peşəkar akrobat səhnəyə sözügedən nəqliyyat vasitəsini sürərək daxil olmalı imiş.
Lakin səhnədə digər dekorların çox yer tutması bu fikri reallaşdırmağa manə olub. Beləcə bu səhnə yarımçıq gerçəkləşib.
Konsert təkcə heyətə deyil, eyni zamanda Röyanın səhhətinə də ciddi ziyan vurub. Belə ki, kulis arxasında çalışan heyətin bir neçə üzvü əlini, ayağını sındırıb, müğənni özü də bədən xəsarətləri alıb.
Rəşad Əliyev, Bizim.Media
