İllər əvvəl ABŞ-a köçüb, orada yaşayan müğənni Elariz Məmmədoğlu yeni paylaşımı ilə diqqətləri üzərinə cəmləyib.
Bizim.Media xəbər verir ki, sənətçi axşam saatlarında küçədə gəzərkən gənc ifaçıların Azərbaycan mahnısını oxumasının şahidi olub.
Belə ki, restoranların birinin terasında çıxış edən müğənnilər gitarada "Yandırdın qəlbimi" mahnısı ifa ediblər. Həmin anları Elariz çəkərək sosial şəbəkə hesabında izləyiciləri ilə bölüşüb.
Kadrlarda Məmmədoğlu "Bura Türkiyə yox, Amerikadır" sözlərini dilə gətirib.
Qeyd edək ki, E.Məmmədoğlu 2012-ci ildə ABŞ-a köçüb. Onun xanımı "Green Card" udub və beləliklə, cütlük okeanın o tayına yaşamağa gediblər. Müğənni orada el şənliklərində çıxış edir.
Rəşad Əliyev, Bizim.Media
