Şarliz Teron: “Üzümdə uğursuz əməliyyat olmayıb, sadəcə qocalmışam” - FOTO

Dünyaca məşhur Hollivud aktrisası Şarliz Teron uğursuz plastik əməliyyat etdirməsi ilə bağlı şayiələrə ilk dəfə münasibət bildirib. 

Bizim.Media xarici mətbuata istinadən xəbər verir ki, sənətçi heç bir plastik əməliyyat keçirmədiyini sadəcə zamanla yaşlandığını bildirib. 

“İnsanlar elə bilirlər ki, üzümü “dartdırmışam”. Soruşurlar ki, o, özünə nə edib? İt qızı, mən qocalıram! Bu o demək deyil ki, uğursuz plastik əməliyyat keçirmişəm. Üzüm dəyişir və onun dəyişməsini, qocalmasını çox sevirəm”, - deyə Teron vurğulayıb.  
O, ictimaiyyətin təzyiqlərinə rəğmən təbii görünüşünü qəbul etdiyini və “kişilər gözəl şərab kimi qocalır, qadınlar isə yığılmış çiçəkləri sevir” kimi ifadələrdə ortaya çıxan ikili standartlara nifrət etdiyini bildirib. 

“Mən bu konsepsiyaya xor baxıram və onunla mübarizə aparmaq istəyirəm. Amma eyni zamanda məncə hər bir qadın özünə uyğun gələn şəkildə yaşlanmaq istəyir. Düşünürəm ki, hamımız bir az daha empatiya göstərməliyik”, - deyə aktrisa qeyd edib. 




Rəşad Əliyev, Bizim.Media