Həftələr əvvəl həkim-genetik həyat yoldaşı Zakir Bayramovla Avropa turuna yollanan müğənni Sevda Yahyayeva oradan aldığı geyim və aksesuarlarını izləyicilərinə nümayiş edib.
Bizim.Media xəbər verir ki, sənətçinin "unpacking" videosunu isə əri Zakir çəkərək, müğənninin sosial şəbəkə hesabında paylaşıb.
Sevda bildirib ki, sözügedən geyim və aksesuarları Parisdə olduğu zaman lüks markalı butiklərdən alıb.
Yahyayeva "Jimmy Choo" brendinə məxsus ön və arxa hissəsi tül materialdan ibarət bantikli qara dikdaban yay ayaqqabısı, "Valentino"dan iki tərəfli "qırmızı-qara" rəngli brendin loqotipini əks etdirən kəmər, eyni brendə məxsus ağ rəngdə köynək və qara rəngdə don, "Christian Louboutin"- nin qara ön və arxa hissəsi açıq, qalın platforma dabanlı ayaqqabı, "Ted Baker"dən qara kiçik ölçülü çantanı gözlər önündə sərgiləyib.
Müğənninin sözlərinə görə, Milan və Parisdən ağ rəngdə eynək axtarışına çıxsa da, istəyinə nail ola bilməyib. Məhz bu səbəbdən Sevda üz tutub Bakıdakı butiklərin birinə. Orada isə şansı ifaçının üzünə gülüb. Beləcə Yahyayeva istədiyi ağ rəngdə eynəyi ala bilib.
Rəşad Əliyev, Bizim.Media
