“Kimsə qəlbimə dəyəndə, əllərimi qaldırıram göyə, Allahımla danışıram. Deyirəm ki, onları sənə həvalə edirəm. Sən özün də görürsən ki, qəlbimdə zərrə qədər heç kimə qarşı pislik olmayıb. Əgər olubsa da, deyirəm ki, o pisliyin iki qatını mənə göstər”.
Bizim.Media xəbər verir ki, bu sözləri müğənni Nazənin Salayeva “Şou xəbər” verilişinə müsahibəsində deyib.
Sənətçi bildirib ki, insanlara yaxşılıq etməkdən artıq iyrənir:
“Kiməsə yaxşılıq edirsən, növbəti dəfə etməyəndə sənə qarğış edirlər. Etdikcə də, düşünürlər ki, onlara borclusan. O qədər belə məsələlər oldu ki, artıq insanlara yaxşılıq etməyə iyrənirəm. Mənə kimsə bir dənə qara qəpiklik tum alsın, həmin gün bir vaqon hədiyyə alıb verməsəm, ondan əl çəkmərəm. İnsanlar yaxşılığa pisliklərlə cavab verirlər”.
Rəşad Əliyev, Bizim.Media
