Türkiyəli aşpaz ağlayaraq YARDIM İSTƏDİ: “Vəziyyət olduqca pisdir” - VİDEO

“İndi mağazaya gəldim. Hazırlıqlarımız davam edir. Hataya, Adıyaman və Maraşa tırlarımızı yollayacağıq. Yolların vəziyyətindən bixəbərik, amma onlara yardımımızı göndərəcəyik. Kaş ki, hazır təyyarə olsaydı, yardımızı aparardıq, amma indi bu yoxdur”.

Bizim.Media xəbər verir ki, bu sözləri Türkiyənin məşhur aşpazı Burak Özdemir sosial şəbəkə hesabında paylaşdığı videomüraciətdə deyib.

Hazırda çoxsaylı insanın yardıma ehtiyacı olduğunu söyləyən aşpaz göz yaşı içində soydaşlarına səslənərək mümkün dərəcədə onlara yardım etmələrini xahiş edib.

“Bişirdiyimiz çörəkləri göndərəcəyik. Çox xahiş edirəm, hamı əlindən gələn köməyi etsin. Dünəndən mənə çox mesaj gəlir. İnanın ki, heç nə edə bilmirəm (ağlayır). Çünki orada deyiləm. Bilmirəm, necə olacaq? Ümid edirəm ki, hər kəs dağıntılar altından sağlam çıxa biləcək.
Xahiş edirəm, yardımlarınızı əsirgəməyin. Hazırda dağıntılar altında çox sayda insan var. Həqiqətən vəziyyətləri olduqca pisdir. Bir sıra mesajlar gəlir. Amma heç nə edə bilmirik. Lütfən hər kəs əlindən gələni etsin”.

Rəşad Əliyev, Bizim.Media