“Renka” ləqəbi ilə şou-biznesdə məşhurlaşan ərəb rəqslərinin mahir ifaçısı Rəna Ağamuradova paylaşımı ilə adından söz etdirib.
Bizim.Media xəbər verir ki, rəqqasə küçədə bank axtaran yaşlı qadına yardım etmək üçün onu avtomobilinə əyləşdirib.
Yaşlı qadını gedəcəyi ünvana çatdıran Renka onunla həmsöhbət olub. O, Ağamuradovanın dodağına vurduğu dolğuları və uzun dırnaqlarını “başına qaxınc edib”.
"Bu gün bir nənə ilə tanış oldum. İki saat bir yerdə bank axtardıq. Köməklik etdim və tapdıq. O qədər söhbət etdik ki... Məni çoxlu danladı. Deyir ki, “Bu nə dodaqdır, dırnaqdır etmisən? Aşağısı eybi yoxdur, amma yuxarısı... Gözəl qızsan, eləmə. Baxan bilir ki, silikonlusan. Biabır oldum”, - deyə Renka bildirib.
Rəşad Əliyev, Bizim.Media
