Azərbaycanlı müğənninin 5,6 milyonluq AVTOMOBİL KOLLEKSİYASI - FOTO

“Uşaqlıqdan maşınları və maşın sürməyi çox sevirəm. Amma o qədər kasıb idik ki, bu barədə xəyal belə qura bilmədim, “Jiquli” haqqında danışıram, ümumiyyətlə xarici markalı bir avtomobil haqqında susuram. İndi başa düşürsüz, niyə məndə mavi rəngdə “Jiquli” var”. 

Bizim.Media xəbər verir ki, bu sözləri Rusiya və MDB ölkələrində məşhurlaşan azərbaycanlı müğənni Nəvai Bəkirov paylaşdığı postda yazıb. 

Avtomobillərə qarşı böyük sevgisindən söz açan sənətçi bildirib ki, uşaqlıqda dayısı “Jiquli”si ilə ona travma yaşadıb: 

“Bir dəfə dayımın oğlu ilə “Jiquli”ni yudum. Yuduqdan sonra oğlu atasından soruşdu ki, avtomobili Nəvai ilə birlikdə sürəcəyik. Cavab verdi ki, Nəvaiyə sükan arxasında əyləşməyə qoyma. Mən də maşını elə yudum ki, az qaldı ki, onu yalayım. 11 yaşım vardı və elə oldu ki, bu söhbəti eşitdim. Bundan sonra çox uzun müddət özümə gələ bilmədim. Özümü o qədər pis hiss etdim ki, başqa qohumlar məni sükan arxasında əyləşməyə icazə versə də, imtina etdim. “Almera” markalı avtomobil alanadək bu travma ilə yaşadım. Bu travma ilə neçə il yaşadığımı hesablayın”. 

N.Bəkirov avtomobil kolleksiyasının 5,6 milyon manat olduğunu açıqlayıb: 

“İndi hardasa ümumi dəyəri 200.000.000  rubl (təxminən 5,6 milyon manat) olan 10 maşınım var. Amma aldadıldığım və uşaqlıq hisslərimin tapdalandığı bu hadisəni xatırlayanda 300.000 rubl (təxminən 8400 manat) qiyməti olan “Jiquli”də” gedirəm”. 

Rəşad Əliyev, Bizim.Media