Rusiyada məşhurlaşan erməni vizajist Qoar Avetisyanın əl işini izləyicilər “başına qaxınc” ediblər.
Bizim.Media xəbər verir ki, qalmaqallardan başı açılmayan, tez-tez fırıldaqçılıqda ittiham olunan vizajistin uşaq evində böyüyən 15 yaşlı Daşa adlı qıza etdiyi makiyaj sosial şəbəkə əhlini qəzəbləndirib.
Üç yaşında iki yaşlı qardaşını yanğından xilas etməsi nəticəsində üzü yanan qızın makiyaj vasitəsi ilə xarici görkəmini dəyişdirməsi Qoara baha başa gəlib.
İzləyicilər Avetisyanın sosial şəbəkə hesabında Daşanın dəyişim videosuna “Bir ton makiyajın nə faydası var? Əgər Qoar onun üçün vəsait toplasaydı və qız əməliyyat olunsaydı, bunu başa düşərdik...” kimi tənqid dolu şərhlər yazıblar.
Vizajist tənqidlərə cavab verib:
“Mənə deyin, necə oldu ki, bu gözəllikdən yalnız bunu görə bildiniz? Allahım, bu cür mənfi rəylərə diqqət yetirməmək üçün mənə güc ver. Ümid edirəm ki, bu cür mənfi fikirlər yazanlar mühakimə etməzdən əvvəl insanlara kömək edərlər”.
Rəşad Əliyev, Bizim.Media
