Aparıcı Zaur Baxşəliyev Əməkdar artist Bəsti Sevdiyevadan incidiyini açıqlayıb.
Bizim.Media xəbər verir ki, aparıcı “Zaurla Günaydın” səhər şousunda sənətkarın oğlu Ayxana iki gün əvvəl toy etdiyini, lakin məclisə dəvət almadığını söyləyib.
“Bəsti xanım bizim toydan qonaqların hamısı çıxıb gedəndən sonra getdi. Bəs, bizi oğlunun toyuna niyə çağırmadı? Hamımızın nömərlərini bilirsiz. Heç bizə zəng vurmadınız. Dəvətnamə yollamadınız. Sizdən incimişəm. Onun oğlu yeni evlənmişdi, bizdə onları verilişimizə dəvət etmişdik”, - deyə Zaur qeyd edib.
Xatırladaq ki, sənətçinin oğlu Ayxan ötən ilin martında Moskvada Gülarə adlı xanımla ailə qurub. Onların Bakıdakı toyu pandemiyaya görə təxirə düşmüşdü. Cütlüyün bir övladı var.
Rəşad Əliyev, Bizim.Media
