Ağcabədi rayonunun Qiyamadınlı kəndində kütləvi dava olub. APA-nın Qarabağ bürosunun xəbərinə görə, nəticədə üç nəfər müxtəlif dərəcəli bıçaq xəsarətləri ilə xəstəxanaya yerləşdirilib. Şahidlərin sözlərinə görə, insident kənddə toya hazırlıq mərasimdə baş verib.
Həmkəndlilər arasında baş verən
mübahisə üç nəfərin bıçaqlanması ilə nəticələnib. Kənd sakinləri Məmmədov Elbəy
Ələsgər oğlu, İsmayılov Rəşad Şahmurad oğlu və Şirinov Nurlan Taleh oğlu
çoxsaylı bıçaq xəsarətləri alıblar. Yaralılar Ağdam Mərkəzi Rayon Xəstəxanasına
çatdırılıblar, vəziyyəti ağır olduğundan Nurlan Şirinov Bakıya, Rəşad İsmayılov
isə Bərdə Mərkəzi Rayon Xəstəxanasına aparılıb.
