Şəkidə bədbəxt hadisə baş verib.
Moderator.az xəbər verir ki, şəhərin Mirzə Fətəli Axundov küçəsində Nəbi Hüseynbəyova məxsus şəxsi evdə kirayə qalan Qudula kənd sakini 26 yaşlı Vasif Məmmədov yaşadığı mənzilin həyətində kanalizasiya qazarkən beton divar uçqununun altında qalıb.
Hadisə yerinə dərhal Fövqəladə Hallar Nazirliyinin xilasetmə dəstəsi və təcili yardım qrupu cəlb olunub. 4 saata yaxın davam edən xilasetmə işlərindən sonra Vasif Məmmədovu uçqunun altından çıxarmaq mümkün olub. Lakin o, aldığı ağır bədən xəsarətlərindən dünyasını dəyişib. Faktla bağlı araşdırma aparılır
