Dünya bazarında neftin qiymətinin sürətlə aşağı düşməsi neft ixrac edən ölkələrdə, o cülədən Azərbaycanda ciddi narahatlıqla müşahidə edilməkdədir.
Maraqlıdır,
neft gəlirlərinin azalması Azərbaycanda insanların sosial rifahına necə təsir
göstərəcək? Baş verənlər fonunda ölkədə sosial gərginliyin artması, bu müstəvidə
ciddi krizislərin meydana çıxması gözləniləndirmi?
Bununla
bağlı Moderator.az-a açıqlama verən iqtisadçı-ekspert İlham Şaban hələlik hər
hansı gərginlikdən danışmağın tez olduğunu vurğuladı:
"Hələ
ki, təsirlərindən danışmaq tezdir. Çünki Azərbaycan neftinin orta ixrac qiyməti 10 ayın yekunlarına görə
107 dollar təşkil edib. Bu isə cari ilin proqnoz göstəricilərindən 7% çoxdur.
Yeni hökumət büdcə gəlirləri ilə bağlı bütün qarşıda duran vəzifələri yerinə
yetirir. Çox güman ki, ilin yekununa görə də müsbət nəticələr olacaq. Hətta
dövlət statkomun rəqəmlərinə görə, əhalinin pil gəlirləri bu müddətdə 4,1%
artıb. Bank əmanətləri ilk dfədə olaraq 7 mlrd manat səviyyəsinə çatıb. Yəni bu
baxımdan təşvişə ehtiyac yoxdur - Neft Fondu büdcənin gəlirlərinin yarıdan çoxunu
stabil olaraq təmin edir. O cümlədən də Dövlət Neft Şirkəti. Bu isə 65%
daxilolma deməkdir. Belə olan halda hər hansı sosial narazılığa gətirəcək bir
hadisənin baş verməsi inandırıcı görünmür".
Seymur
Əliyev
