Ötən gündən etibarən “Leobank” istifadəçiləri köçürmə və ödəniş əməliyyatları zamanı texniki problemlə üzləşir.
Bizim.Media xəbər verir ki, müştərilər köçürmə etsə də, göndərilən pul karta yüklənmir.
Bank müştərilərinə problemin texniki nasazlıq olduğunu və qısa zamanda həll ediləcəyini bildirib.
Lakin bank istifadəçiləri bu açıqlamadan 16 saat keçməsinə rəğmən pulun köçürülmədiyini qeyd edirlər. Problemlə bağlı çox sayda istifadəçi bankın sosial şəbəkə hesablarında öz şikayətlərini və narazılıqlarını ifadə ediblər.
Məsələ ilə bağlı “Leobank”la dəfələrlə əlaqə yaratmağa çalışsaq da, zənglərimizə cavab verən olmayıb.
Naibə Məmmədova, Bizim.Media
