Azərbaycan buğda ilə özünü neçə faiz təmin edir? – NAZİRDƏN AÇIQLAMA

Hazırda oxunan: Azərbaycan buğda ilə özünü neçə faiz təmin edir? – NAZİRDƏN AÇIQLAMA

57880

"Azərbaycan buğda ilə özünü orta hesabla 60% təmin edir. Qalan 40%-lik hissə isə ölkəyə idxal olunur".

Bizim.Media xəbər verir ki, bu fikirləri kənd təsərrüfatı naziri İnam Kərimov REAL TV-yə müsahibəsində səsləndirib.

Onun sözlərinə görə, son illər dövlətin həyata keçirdiyi aqrar siyasət nəticəsində, o cümlədən fermerlərə dövlət dəstəyi hesabına bir sıra məhsullar üzrə təminat səviyyəsi xeyli artıb:

"Özümüzü yaxşı təmin etdiyimiz məhsullar arasında xüsusilə meyvə-tərəvəzi qeyd edə bilərik. Məsələn, Azərbaycan özünü kartofla 90% təmin edir, həm də faraş kartof ixracatçısıdır. Yaxın vaxtlarda özünü təminat 100%-ə çatacaq. Digər ərzaq məhsullarına gəlincə isə, ölkəmiz özünü mal əti ilə 90%, qoyun əti ilə isə demək olar ki, 100% təmin edir. Bütün ət kateqoriyaları üzrə özünü təminetmə isə təqribən 85%-dir”.

Bizim.Media