Gələn ay bu ASC-lərin səhmləri təkrar hərraca çıxarılacaq - ADLAR

Hazırda oxunan: Gələn ay bu ASC-lərin səhmləri təkrar hərraca çıxarılacaq - ADLAR

55769

Fevralın 22-i saat 09:30-da Əmlak Məsələləri Dövlət Xidmətinin (ƏMDX) Əmlak Xidmətləri Məkanında (ünvan: Bakı şəhəri, Nizami rayonu, Xəlil Rza Ulutürk küçəsi, 20) təkrar pul hərracı keçiriləcək.

Xidmətdən Bizim.Media-ya bildirilib ki, “Bərdə Mexaniki Təmir”, “Beyləqan Buzxana”, “Salyan Broyler”, “Tovuz Məişət”, “Goranboy Aqrotexservis” və “Zaqatala Fındıq” ASC-lərin səhmləri təkrar satışa çıxarılacaq.

Pul hərracında qanunvericiliyə müvafiq olaraq, alıcı hesab edilən, sifarişi və digər zəruri sənədləri təqdim etmiş hüquqi və fiziki şəxslər iştirak edə bilərlər.

Sifarişlər ƏMDX-nin Əmlak Xidmətləri Məkanında və yaxud Xidmətin “emlak.gov.az” elektron xidmətlər portalı vasitəsilə hərracın keçirilməsinə ən geci 3 bank günü qalanadək qəbul olunacaq.

Hərracda iştirak etmək arzusunda olan fiziki və hüquqi şəxslər səhmləri satışa çıxarılan müəssisələr barədə zəruri məlumatlarla xidmətin “privatization.az” portalında və emissiya prospektləri (özəlləşdirmə planları) ilə Hərracların Təşkili üzrə Auksion Mərkəzində tanış ola bilərlər.

Bizim.Media