Azərbaycanda nə qədər ödəniş kartı var? – Mərkəzi Bank açıqladı

Bank sistemi üzrə oktyabr ayının sonunda dövriyyədə olan ödəniş kartlarının sayı ötən aya nəzərən 244 min ədəd artaraq 10 milyon 673 min ədəd olub.

Bizim.Media Mərkəzi Bankın məlumatına istinadən xəbər verir ki, keçən ilin müvafiq dövrü ilə müqayisədə bu göstərici 17% artıb.

Ödəniş kartlarında artım debet kartları üzrə 15.5%, kredit kartları üzrə 27.8% təşkil edib.

Ötən ilin müvafiq dövrünə nəzərən əməkhaqqı kartlarının sayı 149 min, kredit kartları 296 min, digər kartlar isə 1.1 mln. ədəd artıb.

Bizim.Media