Bu il topdansatış ticarət dövriyyəsi neçə faiz artıb? - RƏSMİ

Ötən ilin eyni dövrü ilə müqayisədə 2021-ci ilin yanvar-sentyabr aylarında topdansatış ticarət dövriyyəsi faktiki qiymətlərlə 16,8 faiz artaraq 21 milyard 293 milyon manata bərabər olub.

Bizim.Media xəbər verir ki, bu haqda informasiyanı Dövlət Statistika Komitəsi yayıb.

Mənbə bildirir ki, ticarət dövriyyəsinin 28,7 faizini ərzaq məhsulları, 9,6 faizini içkilər və tütün məmulatları, 16,9 faizini əczaçılıq məhsulları və tibbi ləvazimatlar, 10,1 faizini yanacaqlar, 7,5 faizini toxuculuq məhsulları, geyim və ayaqqabılar, 1,6 faizini kompüterlər, telekommunikasiya avadanlıqları və çap məhsulları, 1,3 faizini elektrik malları və mebellər, 24,3 faizini isə digər qeyri-ərzaq malları təşkil edib.

Bizim.Media