Moderator.az xəbər verir ki, YAP Gəncə şəhər Təşkilatı Gənclər Birliyi Partiyanın Qərargahında 18 dekabr 2013-cü il tarixində daha çox gəncləri maraqlandıran “Peşə etikası və psixologiyasi” mövzusunda təlim keçirib. Təlimdə YAP Gəncə şəhər Təşkilatı Gənclər Birliyinin sədri Fərid Dünyamalıyev və fəal gənclər iştirak edib.
Təlimin əvvəlində çıxış edən Fərid
Dünyamalıyev iştirakçıları salamladı və müasir dünyada həyatı normal davam
etdirə bilməyin əsas şərtinin yaxşı təhsil almaq olduğunu bildirdi.
Qeyd etdi ki, orta məktəbdən başlayan, fasiləsiz şəkildə davam edən təhsil müddəti
və bu müddət ərzində aldığımız biliklər bizim hərtərəfli inkişafımızı, gələcəyimizi
əsaslandırır. Bu baxımdan ən əhəmiyyətli faktor peşə seçimidir. Peşələr haqqında
ətraflı məlumat, peşəni həyat fəaliyyətimiz üçün düzgün seçməyimiz, həmin sahəni
dərindən öyrənməyimiz, işimizdə geniş tətbiq etməyimiz, bizi necə bir gələcəyin
gözlədiyini şərtləndirir . Peşə seçimi yalnız bir iş sahəsini deyil, həmçinin həyatda
düzgün istiqamət götürməyimizi də formalaşdırır.
Mən inanıram ki, iki gün davam edəcək təlim
gənclərin peşə seçimindəki psixologiyasına əsaslı dəstək olacaq və gələcəkdə seçdikləri
sahədə müvəffəqiyyətə nail olacaqlar.
Psixoloq, təlimçi Günay Məmmədova peşə etikası, peşə seçimində yol verilən səhvlər, düşüncələr,
fikirlər ətrafında məzmunlu və dolğun təlim
keçdi. Təlimdə iştirak edən gənclər komandalara bölünərək, maraqlı oyunlar nümayiş
etdirdilər.
38 nəfər fəal gəncin iştirak etdiyi bu təlim iki
gün davam edəcək.
i

































































































