Martın 3-də kriptovalyuta birjalarında "Bitcoin"in qiyməti yenidən 90 min dolları ötüb.
Bizim.Media xəbər verir ki, dünyanın ən bahalı kriptovalyutası Bakı vaxtı ilə saat 08:40-də “CoinMarketCap” platformasında 90 dollar həddini keçib. Hazırda isə 92 min 994 ABŞ dollarına qədər yüksəlib. Başqa sözlə, son bir gündə 8,5% bahalaşıb.
Paralel olatraq "Ethereum"un qiymətində də artım müşahidə edilib. Sözügedən kriptovalyutanın dəyəri 10,1% artaraq 2 450 ABŞ dollarına bərabər olub. İlk beşlikdə olan XRP son sutkada 25,1%, Cardano 61,5%, Solano isə 18,1% bahalaşıb.
Qeyd edək ki, "Bitcoin"in ən yüksək qiyməti ötən il dekabrın 16-da qeydə alınıb və qiyməti 108 min dolları ötüb.
Bizim.Media
