“Azər-Türk Bank” əmlaklarını SATIŞA ÇIXARIR – SİYAHI 

Ləğvedilmə prosesində olan “Azər-Türk Bank” ASC-nin balasından olan 11 avtomobil hərrac yolu ilə satışa çıxarılır. 

Bizim.Media xəbər verir ki, İqtisadiyyat Nazirliyi yanında Əmlak Məsələləri Dövlət Xidməti cari ilin mart ayının 4-də saat 10:00-da hərraca çıxarılacaq avtomobillər haqqında elan verib. 

Satışa çıxarılan nəqliyyat vasitələri 2005-2015-ci illər arasında istehsal olunub. Belə ki, onların  biri 2005-ci ilin “Nissan Altima”, biri 2011-ci ilin “Toyota Avalon”, beşi 2014-cü ilin istehsalı olan “Volkswagen Passat”, dördü isə 2015-ci ilin “Audi A6” markalı nəqliyyat vasitələridir. 
Qeyd edək ki, beh "Azər-Türk Bank" ASC-nin hesabına köçürülməlidir.

Hərraclarda iştirak etmək istəyən şəxslər əsas sənədləri hərracın başlanmasına ən geci 3 iş günü qalanadək Əmlak Məsələləri Dövlət Xidmətinin Əmlak Xidmətləri Məkanına təqdim etməlidirlər.




Rövşən Ziya, Bizim.Media