Cümə günü Rusiya Bankı tərəfindən dolların rəsmi kursu üçün martın 5-ə təyin edilmiş 73,18 rubl məzənnəsi bundan əvvəlki rəqəmdən 64 qəpik az olub.
Avronun məzənnəsi 10 qəpik azalaraq 80,11 rubl təşkil edib.
Cümə günü Moskva valyuta birjasının açılışında rublun məzənnəsi 2016-cı ildən bəri maksimum həddə qalxdığı üçün dolların məzənnəsi 72,82 rubla, avronun məzənnəsi isə 79,72 rubla enmişdi.
Günortaya yaxın rubl bir qədər zəifləyib, nəticədə dollar 73,37 rubl, avro isə 80,39 rubl civarında satılıb.
Son günlərdə rublun kursu neftin bahalaşması fonunda artmaqdadır.
Cümə günü səhər Brent markalı neftin barelinin qiyməti 37 dollara bərabər olub.
Günortaya yaxın neftin qiyməti 36,94 dollara enib.
Son günlərdə OPEC üzvləri və bu təşkilata daxil olmayan ölkələrin nazirləri arasında martın ortalarına təyin olunan görüşün hazırlanması xəbərləri fonunda neftin tədricən bahalaşması tendensiyası müşahidə edilməkdədir.
Bazar oyunçuları görüş iştirakçılarının neft hasilatının azaldılamsı barədə qərar qəbul edəcəklərini gözləyirlər.
Ekspertlərin rublun məzənnəsinə dair proqnozları isə fərqlənir.
Sberbank CIB rublun artıq 2016-cı ilin ikinci rübündə yenidən ucuzlaşacağını və dolların 80-82 rubla qalxacağını proqnozlaşdırırsa, Deutsche Bank, əksinə, rublun möhkəmlənəcəyinə əmindir (BBC).
