77 yaşlı uelsli baş məşqçi Con Toşaka demensiya diaqnozu qoyulub.
Bizim.Media xəbər verir ki, bu barədə onun oğlu Kameron Toşak “Daily Mail” nəşrinə açıqlamasında bildirib.
Onun sözlərinə görə, xəstəlik əsasən qısamüddətli yaddaşa təsir edir:
“Bu, çox ağır xəstəlikdir. Mən onunla demək olar ki, hər gün danışıram. Günün ikinci yarısında yenidən əlaqə saxlayanda səhər danışdığımızı xatırlamaya bilər. Amma “Liverpool FC”, “Real Sociedad” və ya “Real Madrid”də keçirdiyi illərlə bağlı soruşanda detalları dəqiqliyi ilə xatırlayır”.
Qeyd edək ki, C.Toşak məşqçi kimi “Sportinq”, “Real Sosyedad”, “Real”, “Deportivo”, “Beşiktaş” kimi klublarda fəaliyyət göstərib.
2013-cü ildə isə Azərbaycanın “Xəzər Lənkəran” klubunu çalışdırıb.
Bizim.Media
