“Qarabağ”ın legioneri Kipr klubuna keçir?

“Qarabağ”ın müdafiəçisi Sami Mmaenin Kiprə köçəcəyi ilə bağlı yayılan xəbərlər şayiədir.

Bizim.Media xəbər verir ki, bu barədə futbolçunun adının hallandığı “Omoniya” klubu bəyanat yayıb.

Bildirilib ki, son vaxtlar 30 yaşlı arxa xəttə oyunçusu ilə maraqlanmaları xəbəri həqiqəti əks etdirmir.

“Omoniya”nın rəsmi mövqeyi belədir ki, hazırda oyunçu ilə konkret danışıq yoxdur. Kiprlilər, ümumiyyətlə, heç bir futbolçu ilə maraqlanmadıqlarını açıqlayıblar.

Qeyd edək ki, Sami Mmae intizam pozuntusuna görə “Qarabağ”ın əsas komandasından uzaqlaşdırılıb və hazırda əvəzedicilərdə çıxış edir.

O, mövsüm bitən kimi icarəyə götürüldüyü Zaqreb “Dinamo”suna qayıtmalıdır.

Rəşad Rafiqoğlu, Bizim.Media