"Fənərbağça"nın qış transfer pəncərəsində "Kasımpaşa"ya icarəyə verdiyi Rodriqo Bekao klubdan ayrılmağa hazırlaşır.
Bizim.Media xəbər verir ki, Braziliya mətbuatının yaydığı məlumata görə, təcrübəli müdafiəçi ölkəsinin öndə gedən klublarından olan "İnternasional" ilə razılıq əldə edib.
30 yaşlı futbolçunun mövsümün sonunda "sarı-lacivərdlilər"lə vidalaşaraq vətəninə dönəcəyi bildirilir.
Qeyd edək ki, müdafiəçiyə İtaliya və Fransadan da bəzi klubların təklif göndərdiyi, lakin onun üstünlüyü Braziliyaya verdiyi vurğulanıb.
Xatırladaq ki, "Fənərbağça"nın heyətində 38 matçda meydana çıxan Rodriqo Bekao 2 qol və 1 məhsuldar ötürmə ilə yadda qalıb.
Bizim.Media
