Fransa millisinin və "Real"ın sabiq üzvü Kərim Benzema "Əl-İttihad"dan ayrıla bilər.
Bizim.Media xəbər verir ki, bu barədə ESPN məlumat yayıb.
Fransalı hücumçu klubun ona təklif etdiyi yeni müqavilənin şərtlərindən narazıdır. Buna görə də o, Səudiyyə Ərəbistanı klubunu tərk etməyi düşünür. 38 yaşlı hücumçu yeni variantları nəzərdən keçirir.
Xəbərdə bildirilir ki, Benzema Avropa futboluna qayıtmaq, eyni zamanda MLS komadalarından birinə keçmək ehtimalını da dəyərləndirir. Daha əvvəl fransalı forvardın müqavilə ilə bağlı yaranmış vəziyyət fonunda “Əl-Fəth”lə oyunda (2:2) iştirakdan imtina etdiyi qeyd olunmuşdu.
Xatırladaq ki, Kərim Benzema 2023-cü ilin yayından “Əl-İttihad”da oynayır. O, cari mövsüm bütün turnirlərdə 21 oyuna çıxaraq 16 qol vurub. Futbolçunun klubla mövcud müqaviləsi 2026-cı ilin yayına qədər qüvvədədir.
Bizim.Media
- A-
- A
- A+
İdman
16:50 / 31.01.2026
Benzema Avropaya qayıda bilər
Hazırda oxunan: Benzema Avropaya qayıda bilər
Hazırda oxunan: Benzema Avropaya qayıda bilər
593745
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
