"Barselona" klubu heyətini yeni qapıçı ilə gücləndirmək niyyətindədir.
Bizim.Media xəbər verir ki, Kataloniya təmsilçisi "Real Sosyedad"ın qapıçısı Aleks Remiro ilə maraqlanır.
30 yaşlı qolkiperin San-Sebastyan klubu ilə müqaviləsi 2027-ci ilin ortalarına qədər olsa da, "Barselona" onu yayda 10 milyon avrodan aşağı məbləğə heyətinə qata bilər. Məlumata görə, A.Remiro özü də "Barselona"ya keçməyə müsbət yanaşır.
Qeyd edək ki, klub hazırda qapıçı mövqeyindəki vəziyyəti təhlil edir və Joan Qarsiyanın əvəzləyicilərindən birinin komandanı tərk etməsi ehtimalı var.
Xatırladaq ki, "Barselona" hazırda İspaniya La Liqasına başçılıq edir və ikinci pillədəki "Real"ı 1 xal qabaqlayır.
Bizim.Media
