“Mançester Yunayted” klubu yeni transfer pəncərəsində orta xəttini gücləndirməyi planlaşdırır.
Bizim.Media xəbər verir ki, “qırmızı şeytanlar”ın hazırkı siyahısında 7 futbolçunun adı yer alıb.
Bunlar Elliot Anderson (“Nottinqem Forest”), Adam Uorton (“Kristal Palas”), Karlos Baleba (“Brayton”), Joao Qomes və Andre (hər ikisi “Vulverhempton”), Anjelo Ştiller (“Ştutqart”) və Konor Qallaherdir (“Atletiko”).
Baş məşqçi Ruben Amorimin istəyi ilə komandaya yeni cinah müdafiəçisinin də cəlb olunması nəzərdə tutulub. Klubun əsas transfer fəaliyyətini əsasən yay aylarında həyata keçirəcəyi bildirilir.
Qeyd edək ki, klub maliyyə büdcəsini yüngülləşdirmək üçün Markus Reşford, Ceydon Sanço, Kazemiro və Harri Maquayrla yolları ayırmağı planlaşdırır.
Bizim.Media
