“Araz-Naxçıvan” legionerlərindən biri ilə yollarını ayırmaq istəyir.
Bizim.Media xəbər verir ki, söhbət Ayyub Allaşdan gedir.
Ötən mövsümdən zədəli olduğu üçün bu sezon Naxçıvan təmsilçisinə kömək edə bilməyən belçikalı futbolçunun komandada qalmayacağı gözlənilir.
Məsələ ilə bağlı “Araz Naxçıvan”ın mətbuat xidmətinin rəhbəri Mahal Məmmədovla əlaqə saxladıq.
O, Bizim.Media-ya açıqlamasında futbolçunun hələ ki, komandada olduğunu diqqətə çatdırdı:
“Allaş bir həftəyə yaxındır ki, zədəsini sağaldıb. Fərdi məşqlər keçir. Komandadan gedib-getməyəcəyinə gəlincə, onun müqaviləsi davam edir. Hələ ki, göndərilməsi gündəmdə deyil”.
Rəşad Rafiqoğlu, Bizim.Media
