Formula 1 yarışları ilə bağlı QADAĞA - Açılış mərasimlərində bu olmayacaq

Formula 1 üzrə dünya çempionatının bəzi mərhələlərinin açılış mərasimlərində hərbi təyyarələrin nümunəvi uçuşu qadağan olunub.

Bizim.Media “Racingnews365” portalına istinadla xəbər verir ki, Qran-prilərin təşkilatçıları bununla bağlı Formula 1 rəhbərliyindən məktub alıblar. 

Qadağaya səbəb Formula 1 proqramı çərçivəsində karbon emissiyalarının 2030-cu ilədək azaldılması istəyidir.

Hərbi təyyarələrin uçuşları adətən Monzada, Silverstoun və digər Qran-prilərin açılış mərasimlərində keçirilir. Bu uçuşlar 2022-ci ildən qadağan ediləcək.

Qadağanın digər səbəbi də Formula 1 rəhbərliyinin belə şouların hərbi nümayiş kimi qəbul oluna biləcəyindən və ya ölkələrə hərbi qüdrətlərini nümayiş etdirmək üçün platforma təqdim olunması kimi qələmə verilməsindən ehtiyatlanmasıdır.

Bizim.Media