“Qarabağ”ın bütün mümkün rəqibləri – KOMANDALAR

“Qarabağ”ın Konfrans Liqasının pley-off mərhələsindəki bütün mümkün rəqibləri bəlli olub.

Bizim.Media xəbər verir ki, bunlar Avropa Liqasının qrup mərhələsində 3-cü yeri tutan səkkiz komandadır.

Bunlara “Sparta” (Çexiya), PSV (Hollandiya), “Lester” (İngiltərə), “Fənərbaxça” (Türkiyə), “Marsel” (Fransa), Midtyulland (Danimarka), “Seltik” (Şotlandiya), “Rapid” (Avstriya) daxildir.

Püşkatma dekabrın 13-də keçiriləcək və Bakı vaxtı ilə saat 17:00-da başlayacaq. Pley-off oyunları fevralın 17 və 24-də keçiriləcək.

Xatırladaq ki, bu gün İsveçrə “Bazel”inə uduzan (0:3) “Qarabağ” qrup mərhələsində 2-ci yeri tutub və 1/8 finala birbaşa vəsiqə qazana bilməyib. Komandamız pley-off mərhələsində 1/8 finala vəsiqə uğrunda mübarizə aparmalı olacaq. 

Bizim.Media