Xəzər Lənkəran" futbol klubu daha bir
futbolçunu heyətinə cəlb etdi. Klubun mətbuat xidmətindən Moderator.az-ın ANS PRESS-ə istinadən
məlumatına görə, braziliyalı hücumameyilli yarımmüdafiəçi Deyvid Frank Silva
Sakkoni bu gün komandanın sıralarına qoşulub.
26 yaşlı futbolçu Braziliyanın A və B
seriyalarında oynayan müxtəlif komandaların heyətində çıxış edib. 3 il
"Palmeiras"ın uğurları üçün çalışan Deyvid, sonradan
"Qoias", "Qremio", "Nautiko" və son iş yeri olan
"Branqantino" klubunun da formasını geyinib.
Klubla Deyvid Sakkoni arasında bir illik
müqavilə imzalanıb.
