Argentina çempionatının III dəstəsində
mübarizə aparan “Laferrrere” klubunun hücumçusu Ektor Sanabriya oyun zamanı
həyatını itirib.Moderator.az-ın Apasport.az-a istinadən məlumatına görə, hadisə
“Xeneral Lamadrid”lə görüşün 29-cu dəqiqəsində baş verib.
Həkimlər futbolçuya meydanda ilkin
tibbi yardımı göstərsə də, xəstəxanada onun həyatını xilas etmək mümkün
olmayıb. Matçın baş hakimi Ernan Mastranxelo Argentina mətbuatına bildirib ki,
futbolçu huşunu itirən zaman onun ürək fəaliyyətinin dayanmasına səbəb ola
biləcək hansısa güclü mübarizədə iştirak etməyib. Çempionatın qarşıdakı turunun
bütün oyunları bu üzdən 1 dəqiqəlik sükutla başlayacaq.
Qeyd edək ki, Ektor Sanabriya sabah
28 yaşını qeyd edəcəkdi.
