Basketbol üzrə 2025-ci il Avropa çempionatının qrup mərhələsinin beşinci turunun yekunlarına əsasən, pley-off mərhələsində iştirak edəcək milli komandaların ilk dörd cütü müəyyənləşib.
Bizim.Media xəbər verir ki, Serbiya yığmasına 95:90 hesabı ilə qalib gələn Türkiyə millisi də 1/8 finala yüksəlib.
Pley-offda Türkiyə İsveçlə qarşılaşacaq.
1/8 finalın daha 3 cütlüyü də məlumdur. Belə ki, Almaniya Portuqaliya, Litva Latviya, Serbiya isə Finlandiya ilə oynayacaq. Turnirin 1/8 final oyunları sentyabrın 6-7-də keçiriləcək.
1/4 final qarşılaşmaları ayın 9-10-da, yarımfinal matçları isə 12-də təşkil olunacaq. Avropa çempionunu müəyyənləşdirəcək final və üçüncülük görüşləri sentyabrın 14-də baş tutacaq.
Qeyd edək ki, turnir dörd ölkədə - Kipr, Finlandiya, Polşa və Latviyada keçirilir. Bundan əvvəlki Avropa Basketbol Çempionatı 2022-ci ildə keçirilib. Yarışın son çempionu ispanlar olub.
Bizim.Media
- A-
- A
- A+
İdman
12:25 / 04.09.2025
Türkiyə millisi Avropa çempionatının 1/8 FİNALINDA
Hazırda oxunan: Türkiyə millisi Avropa çempionatının 1/8 FİNALINDA
Hazırda oxunan: Türkiyə millisi Avropa çempionatının 1/8 FİNALINDA
268666
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
