Transfer dəyəri artan futbolçuların siyahısı bəlli olub.
Bizim.Media xəbər verir ki, CİES-in cədvəlində “Böyük beşlik”də oynamayanlar yer alıb.
Siyahıya 2024-cü il sentyabrın 1-dən sonrakı 6 ayda ən çox bahalaşan 100 futbolçu daxil edilib.
“Porto”nun bombardiri Samu Aqehova yarım ildə 39 milyon avro bahalaşıb. Onun indiki qiyməti 68,6 milyondur.
“Palmeyras”da forma geyinən Estevan Villian siyahıda ikincidir. Braziliyalı 30,2 milyon bahalaşaraq 60,3 milyona çatıb. “Benfika”lı Alvaro Karrerasın dəyəri 28,4 milyon artaraq 39,1 milyona yüksəlib.
Qeyd edək ki, “Top-100”də “Beşiktaş”ın futbolçusu Keni Arroya da yer alıb. Ekvadorlu vinger 8,1 milyon bahalaşaraq 9,2 milyona qalxıb.
Rəşad Rafiqoğlu, Bizim.Media
