Bolqarıstan klubu “Qarabağ”dan 2,5 milyon TƏLƏB EDİR

Bolqarıstanın “Beroe” klubunun sahibi Hernan Banato “Qarabağ”ın da maraq göstərdiyi komandanın argentinalı hücumçusu Leandro Qodoyun potensial satışı ilə bağlı fikirlərini bölüşüb.

Bizim.Media xəbər verir ki, Rusiya mətbuatına danışan klub prezidenti Qodoy üçün tələb etdikləri transfer məbləğini də açıqlayıb:

"Biz transfer bazarındayıq və Qodoyla maraqlanan bir neçə klub var. Lakin bu, hər bir klubun özündən asılı olacaq. Onun transfer qiyməti 2,5 milyon avrodur və hansı klub istəyərsə, Leandronun xidmətindən bu cür istifadə edə biləcək".

Qeyd edək ki, Bolqarıstan mətbuatı Qodoyun satın alma məbləğinin 1 000 000 avro olduğunu yazmışdı. Xatırladaq ki, 23 yaşlı argentinalıya Rusiyanın “Lokomotiv”, Bolqarıstanın ÇSKA və İsveç klubları da maraq göstərir.

Rəşad Rafiqoğlu, Bizim.Media