“Neftçi” 700 minlik hücumçu ilə maraqlanır

Neftçi" Polşanın "Motor" (Lublin) klubunun hücumçusu Samuel Mrazla maraqlanır.

Bizim.Media "FutbolNews" portalına istinadən xəbər verir ki, "ağ-qaralar" yayda azad agent kimi heyətinə qatacağını ehtimal etsə də, bu baş verməyib. Amma hücum xəttindəki problemlər Azərbaycan təmsilçisini məhz bu transfer pəncərəsində konkret addımlar atmağa vadar edib.

Bakılıların bu transfer üçün polyaklara müəyyən məbləğ ödəməyə hazır olduğu bildirilir.

27 yaşlı mərkəz hücumçusu “Qarabağ”ın da maraq dairəsindədir. Amma slovakiyalı Ağdam təmsilçisinin transfer siyahısında prioritet deyil. Samuel Mrazın transfer dəyəri 700 000 avrodur.

Onun Polşa klubu ilə müqaviləsi bu yay başa çatır.

Rəşad Rafiqoğlu, Bizim.Media