Azərbaycan klublarının infrastrukturu ilə bağlı ACINACAQLI FAKT

Hazırda oxunan: Azərbaycan klublarının infrastrukturu ilə bağlı ACINACAQLI FAKT

229444

Azərbaycanca peşəkar futbol klublarının təlim-məşq bazasının sayı bəlli olub.

Bizim.Media xəbər verir ki, bu barədə AFFA-nın bu gün açıqlanan İnkişaf strategiyasında qeyd edilib.

Hazırda 34 klubun cəmi 5-nin minimum standartlara cavab verən təlim-məşq bazası var.

Bu, əlbəttə, acınacaqlı göstəricidir və o deməkdir ki, 34 klubdan (Premyer Liqa, 1-ci və 2-ci liqa təmsilçiləri) 29-nun bazası yoxdur!

Azərbaycanda idman məktəblərinin durumunu da yaxşı adlandırmaq olmaz. Uşaq-Gənclər İdman Məktəblərinin (UGİM) cəmi 5 futbol meydançası var. “Məktəblərdə Futbol” proqramına cəlb olunmuş 50 məktəbdə uşaqlar üçün futbol məşqləri keçirilir.

Ölkədə 3 stadion A milli komanda tərəfindən istifadə edilir. UEFA-nın tələblərinə cavab verən 2-ci və ya daha yüksək kateqoriyaya malik 7 stadion mövcuddur.

1 əsas təlim-məşq bazası - “Dalğa Arena” bütün milli komandalar tərəfindən istifadə olunur.

Bizim.Media