İngiltərə Premyer Liqasında növbəti baş məşqçi istefası gerçəkləşib.
Bizim.Media xəbər verir ki, "Vest Hem" Xulen Lopeteqi ilə yollarını ayırıb. Bu barədə klubun mətbuat xidməti məlumat yayıb.
İspan mütəxəssislə müqaviləyə qarşılıqlı razılıq əsasında xitam verilib.
Qeyd edək ki. Xulen Lopeteqi mövsümün əvvəlində "Vest Hem"in baş məşqçisi təyin olunmuşdu. Komanda 58 yaşlı məqşçinin rəhbərliyi altında keçirdiyi 22 rəsmi matçda 7 qələbə qazanıb, 5 heç-heçə edib, 10 dəfə isə məğlub olub.
London təmsilçisi Premyer Liqada 20 turdan sonra 23 xal toplayıb və turnir cədvəlinin 14-cü pilləsində qərarlaşıb.
Rəşad Rafiqoğlu, Bizim.Media
