"Sumqayıt"da ayrılan futbolçuların sayı artmaqdadır.
Bizim.Media xəbər verir ki, Fernando Medeiros, Rəhim Sadıxov və Cordan Rezabaladan sonra növbə Kristian Velinovskiyə çatıb.
Uzunmüddətli zədədən qayıdan yarımmüdafiəçi ümidləri doğrultmur. Makedoniyalı legionerə yaya kimi qüvvədə olan müqavilənin qarşılıqlı razılıq əsasında pozulması təklif olunub.
Və o da ilkin razılığını verib. 25 yaşlı futbolçu bu mövsüm 2 görüşdə meydana çıxıb. Velinovski 2023-cü ilin sentyabr ayından "Sumqayıt"ın şərəfini qoruyur. O, arxada qalan müddətdə cəmi 7 oyun keçirib.
Rəşad Rafiqoğlu, Bizim.Media
