"Barselona"nın futbolçusu Lamin Yamal klubun akademiyasının uşaqlarına hədiyyə edib.
Bizim.Media xəbər verir ki, bu barədə "Mundo Deportivo" məlumat yayıb.
17 yaşlı vingeri sponsor edən "Beats" şirkəti futbolçunun komanda yoldaşları üçün bir neçə qulaqcıq verib. Yamal isə qulaqcıqları "La Masiya" akademiyasının uşaqlarına hədiyyə edib.
Bundan əlavə hədiyyədə "Musiqidən zövq ala biləsiniz deyə" yazısı və futbolçunun imzası olub.
Bildirilir ki, Lamin Yamal "Barselona" akademiyasında olan oğlanlar və qızlara ümumilikdə 100-dən çox qulaqcıq hədiyyə edib.
Qeyd edək ki, 17 yaşlı ispaniyalı futbolçu özü sözügedən akademiyanın yetirməsidir.
Bizim.Media
