Avropa çempionatında 2 boksçumuz 1/4 finala yüksəldi

Hazırda oxunan: Avropa çempionatında 2 boksçumuz 1/4 finala yüksəldi

Avropa çempionatında 2 boksçumuz 1/4 finala yüksəldi. Nihat Qasımov, Rza Rzayev və Səftər Məmmədzadə milli komandanın nailiyyətləri haqqında ətraflı məlumat.

198937

Bosniya və Herseqovinanın paytaxtı Sarayevoda yeniyetmə boksçular arasında Avropa çempionatı davam edir.

Azərbaycan Boks Federasiyasından Bizim.Media-ya verilən məlumata görə, yarışın ikinci günündə milli komandanın daha 3 üzvü mərhələ adlayıb.

Nihat Qasımov (48 kiloqram) 1/16 finalda Vaxtanq Jamkoçyanla (Rusiya) qarşılaşıb. Döyüş boksçumuzun 3:2 (28:29, 29:28, 29:28, 28:29, 29:28) hesablı qələbəsi ilə yekunlaşıb. N.Qasımov ikinci görüşündə ilk mərhələdən azad olan Corc Fransislə (İngiltərə) üz-üzə gələcək.

Rza Rzayev də qitə çempionatına qələbə ilə başlayıb. 70 kiloqramda mübarizə aparan milli üzvü 1/8 finalda Petros Topalosu (Yunanıstan) məğlub edib – 3:2 (29:28, 29:28, 28:29, 28:29, 29:28). O, növbəti döyüşündə italiyalı Tiberio Nokadellonu sınağa çəkəcək.

Səftər Məmmədzadə (+80 kiloqram) isə 1/8 finalda Erik Lalmiyevlə (İsrail) gücünü yoxlayıb. Rəqibini 5:0 (29:26, 29:25, 29:26, 29:26, 29:26) hesabı ilə məğlub edən boksçumuz növbəti mərhələyə yüksəlib. O, 1/4 finalda Boqdan Bajzertlə (Polşa) döyüşəcək.

Qeyd edək ki, Avropa çempionatına iyunun 30-da yekun vurulacaq.

Bizim.Media