Boksçumuz lisenziyanın bir addımlığında

Hazırda oxunan: Boksçumuz lisenziyanın bir addımlığında

Azərbaycan boks millisi üzvü Malik Həsənov II Dünya Olimpiya Təsnifat Turnirində Şion Nişiyama qarşısında qələbə qazanaraq 1/4 finala yüksəlib. Həsənovun nailiyyətləri ona Paris-2024 Yay Olimpiya Oyunlarına lisenziya qazandırmaq imkanı verə bilər. Əks halda, növbəti görüşdə Xose Manuel Viafaranı sınaqdan keçirməli olacaq.

194761

Azərbaycan boksçusu Malik Həsənov Tailandın paytaxtı Banqkokda keçirilən II Dünya Olimpiya Təsnifat Turnirində üçüncü döyüşünə çıxıb.

Bizim.Media xəbər verir ki, 63,5 kq çəkidə mübarizə aparan yığma üzvü 1/8 final çərçicəsində Şion Nişiyama (Yaponiya) ilə üz-üzə gəlib.

Görüş boksçumuzun inamlı qələbəsi ilə yekunlaşıb. Hər 3 raundu xeyrinə bitirən Həsənov yekunda 5:0 (30:27, 29:28, 30:27, 30:27, 30:27) hesabı ilə qələbə qazanıb və 1/4 finala yüksəlib.

Malik bu qələbə ilə İtaliyanın Busto Arsizio şəhərində keçirilən I Dünya Olimpiya Təsnifat Turnirində Tayfur Əliyevi məğlub edən yapondan revanş da alıb.

Boksçumuz növbəti görüşdə də qalib gələcəyi halda Paris-2024 Yay Olimpiya Oyunlarına lisenziya qazanacaq. O, mayın 31-də 1/4 finalda Xose Manuel Viafaranı (Kolumbiya) sınağa çəkəcək.
Qeyd edək ki, hələlik boks millimizin hesabında 3 lisenziya var.

Rəşad Rafiqoğlu, Bizim.Media