“Sabah” yarımfinala qələbə ilə başladı – FOTO 

Azərbaycan Basketbol Liqasında yarımfinal mərhələsinə start verilib. 

Bizim.Media xəbər verir ki, ilk oyun günündə çempion “Sabah” “Xırdalan”la üz-üzə gəlib. 

Bu, tərəflərin mövsümdə 3-cü qarşılaşması olub. Komandalar hərəyə 1 dəfə qalib gəliblər.

Yarımfinalın ilk oyununda "Sabah" qalib gəlib. Çempion bu görüşdə ciddi çətinliklə üzləşməyib. Reqlamentə əsasən, seriyada 2 qələbə qazanacaq klub finala adlayacaq. 

Qeyd edək ki, yarımfinalın digər cütündə sabah NTD-İNDİQO “Xəzri” ilə qarşılaşacaq.

Azərbaycan Basketbol Liqası

1/2 final, ilk oyun

7 may

19:30. "Sabah" – "Xırdalan" - 101:85 (30:27, 26:14, 23:19, 22:25)

"Sərhədçi" İdman Mərkəzi.








Rəşad Rafiqoğlu, Bizim.Media