Məşhur türkiyəli iş adamı, teleaparıcı və “Hall Siti” klubunun sahibi Acun İlıcalı Sloveniya Liqası komandalarından olan “NK Maribor”u alıb.
Bizim.Media xəbər verir ki, bu türk mətbuatı yazıb.
Mənbə qeyd edir ki, imzalanma və digər prosedurlardan sonra bununla bağlı rəsmi açıqlama veriləcək
Qeyd edək ki, bir müddət əvvəl İlıcalı bu məsələ ilə bağlı informasiya yayıb.
“Əsasən avrokuboklarda iştirak edə biləcək bir komandaya sahib olmaq istəyirik. Təbii ki, bu asan deyil, amma Sloveniyada güclü komandamız olarsa, Avropada mübarizə apara bilərik. Bu böyük bir üstünlük olacaq. Diqqətimizi Sloveniyaya yönəltmişik, lakin heç nəyə zəmanət verə bilmərəm”, - deyə o bildirib.
Xatırladaq ki, “Maribor” UEFA Avropa Konfrans Liqasının 3-cü təsnifat mərhələsində “Fənərbağça” ilə qarşılaşıb və səfərdəki ilk matçda 3:1, evdəki ikinci matçda isə 3:0 hesabı ilə məğlub olaraq mübarizədən kənarlaşıb.
Bizim.Media
